Tesla Cybertruck портлашида гумонланувчи Мэттю Ливелсбергер воқеадан олдин машина ичида ўз жонига қасд қилган

Лас-Вегасдаги Tesla Cybertruck портлашида гумонланувчи Мэттю Ливелсбергер воқеадан олдин машина ичида ўз жонига қасд қилган.

Бу ҳақда Лас-Вегас полицияси маълум қилди.

ФҚБга кўра, гумонланувчининг бу ҳаракатни амалга оширишдан қандай мақсадни кўзлагани номаълумлигича қолмоқда.

Полиция маълумотларига кўра, 37 ёшли Мэттю Ливелсбергер аввалроқ, АҚШ армиясида хизмат қилган бўлган.

Эслатиб ўтамиз, портлаш оқибатида етти киши жароҳатланган. Автомобил пиротехника воситалари ва бензин канистрлари билан тўлдирилган бўлган.