Ҳалокатга учраган AZAL самолётининг “қора қутилари” ўрганилди ва Қозоғистонга жўнатилди

Бразилиянинг Авиация ҳодисаларини текшириш ва олдини олиш маркази Озарбайжон Ҳаво Йўллари (AZAL) самолётининг бортдаги ёзувларни қайд этиш мосламаларини (қора қутилари) экспертизадан ўтказишни якунлади.

Бу ҳақда ТАSS ахборот агентлиги хабар берди.

Хусусан, бу ҳақда Бразилиянинг G1 порталига юқорида тилга олинган марказ хабар берди

— Самолёт бортидаги иккита ёзувларни қайд этиш мосламаси маълумотларини олиш ва текшириш якунланди, — дейилади хабарда.

Шу билан бирга, О Globo газетасининг хабар беришича, марказ аллақачон Қозоғистон расмийларига тегишли маълумотларни юборган.

Эслатиб ўтамиз, Azerbaijan Airlines самолёти Ақтауда ҳалокатга учраган эди.

Самолёт бортида 67 киши, жумладан 5 нафар экипаж аъзоси бўлган. Ҳодиса оқибатида 38 нафар йўловчи ҳалок бўлди.

Маълумот учун, 30 декабрь куни Қозоғистон Бразилияга бортда ёзувларни қайд этиш мосламаларини юборган.