Термиз шаҳрида табиий газдан ноқонуний фойдаланиш ҳолати аниқланди

Ўзэнергоинспекция Сурхондарё вилоят ҳудудий бошқармаси ва газ таъминоти корхонаси ҳамкорлигида ўтказилган назорат тадбири давомида Термиз шаҳрида жойлашган "U. O. G." МЧЖга қарашли ошхонада ҳисоблагичга ташқи таъсир кўрсатилиб, табиий газдан ноқонуний фойдаланиб келинаётгани аниқланди.

Ушбу қоидабузарлик газ таъминоти корхонасининг дастлабки ҳисоб-китобларига кўра 200 миллион сўмлик зарар етказилганини маълум қилди.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.