Тарихий натижа: Гулшан — жаҳон чемпиони бўлган илк аёл спортчи!

Ўзбекистонлик Гулшан Алимардонова (-50кг) Мисрнинг Қоҳира шаҳрида каратэ бўйича жаҳон чемпионатининг олтин медалини қўлга киритди.

У атиги икки ҳафта олдин Ислом бирдамлиги ўйинлари финалида ютқазиб қўйиб йиғлаганди. Мағлубият унга ЖЧда мотивация бўлиб хизмат қилди.

Шу пайтга қадар жаҳон чемпионатида ўзбекистонликлардан фақатгина Дастонбек Отаболаев (2021 йил) олтин медалини қўлган киритган бўлса, энди Гулшан Алимардонова ўз номини тарихга битиб қўйди. Гулшан ўзбекистонлик аёл каратечилар орасида биринчи жаҳон чемпиони сифатида ҳам тарихга кирди.