Тарихда биринчи марта олтин қуйма нархи 1 миллион доллардан ошди

Тарихда биринчи марта олтин қуйма нархи 1 миллион доллардан ошди, деб ёзади Bloomberg.

Бу 16 август, жума куни қимматбаҳо металнинг спот нархи тарихда биринчи марта троя унцияси учун 2500 доллардан ошганидан кейин содир бўлди. Олтин қуймаларининг оғирлиги одатда 400 троя унциясини (12,5 кг) ташкил этади, яъни ҳозир ҳар бирининг қиймати 1 миллион доллардан ошади.

Шу билан бирга, агентликнинг таъкидлашича, уларнингнинг оғирлиги одатда 400 унция бўлсада, улар, Лондон буллион бозори ассоциацияси қоидаларига кўра, 350 дан 430 унциягача соф олтинни (10,9 кг дан 13,4 кг гача) ўз ичига олиши мумкин. Хусусий инвесторлар учун кичикроқ вазнли барлар ҳам сотилади - 1 граммдан.

РБК хабарига кўра, 19 август, душанба куни олтин биржа нархи унцияси учун 2550 долларга яқинлашган. Йил бошидан бери олтин 20 фоиздан ортиқ қимматлашган. Бу динамикага марказий банкларнинг талаби ҳам ёрдам берди.

Котировкаларнинг ўсишига, шунингдек, АҚШ Федерал заҳирасининг пул-кредит сиёсатини юмшатишини кутиш ҳам ёрдам берди. Бундан ташқари, олтинга талаб ортиб бормоқда, чунки геосиёсий таранглик, хусусан, Исроил, Эрон ва ХАМАС ўртасидаги можаро хавфсиз активни сотиб олишга туртки бўлмоқда, деди ХМ сармоявий таҳлилчиси Ахиллеас Георголопулос. UBS таҳлилчиси Жованни Стауновонинг башорат қилишича, келгуси ойларда олтин нархи янада ошиши мумкин, йил охирига келиб унцияси 2600 долларга етиши мумкин.

Bank of America олтин нархининг унция учун 3000 долларгача кўтарилишига имкон бермоқда. Банк таҳлилчиларининг фикрича, яқин 12-18 ой ичида қимматбаҳо металнинг нархи ушбу даражага етиши мумкин. Агар АҚШ ставкалари тушиб кетса ва йирик институционал инвесторларнинг талаби ошса, бу содир бўлиши мумкин.