Тан олинмаган Қорабоғ январдан тугатилади

Тоғли Қорабоғ республикаси 2024 йил 1 январдан тугатилади. Тан олинмаган республика президенти Самвел Шаҳраманян тегишли фармонни имзолади.

“2024 йил 1 январгача унинг идоравий бўйсунишидаги барча давлат муассасалари ва ташкилотлари тугатилиб, Тоғли Қорабоғ республикаси (Артсах) ўз фаолиятини тўхтацин”, — дейилади фармонда.

Эслатиб ўтамиз, 1991 йил 2 сентябрда Қорабоғ автоном вилояти ва Озарбайжон ССРга туташ ҳудудларнинг бир қисми чегараларида Тоғли Қорабоғ республикаси ташкил топгани эълон қилинганди. Республика БМТга аъзо бўлган бирорта давлат томонидан тан олинмаган.