Таълимга қанча пул керак бўлса ҳам аямаймиз — Шавкат Мирзиёев

Номзод Навоийга оид сайловолди дастурининг биринчи йўналишида касбга ўргатиш, кадрлар тайёрлашга бағишлаганини айтди:

- Келгуси 5 йилда Навоийда 12 минг олий, ишчи касблар бўйича 40 минг ўрта маълумотли мутахассисларга талаб бўлади. Шунинг учун Навоий вилоятини муҳандис мутахассисларни тайёрлаш бўйича республика марказига айлантириш дастурини амалга оширамиз.

Навоий кончилик институти негизида 15 мингга яқин талабани ўқитадиган Политехника университети ташкил этилади.

Навоий давлат педагогика институти қўшимча 6 минг ўринга кенгайтирилади.

Натижада вилоятда 20 та янги йўналишлар очилиб, олий таълим билан қамров даражаси 37 фоиздан 60 фоизга етади. Бу жуда катта кўрсаткич. Республикада биринчи бўласизлар.

Вилоятдаги 60 та касб-ҳунар мактаби ва марказлари, мономорказ ўрта бўғин мутахассисларини тайёрлайдиган Навоий кон-металлургия комбинати ва “Навоийазот”га бириктирилади.