Талабалар учун авиачипталарга чегирма эълон қилинди

Uzbekistan Airways ўрта махсус, касб-ҳунар ва олий таълим муассасалари талабалари ва ўқувчилари учун барча маҳаллий авиақатновларга эконом-класс тарифларига 50 фоизгача чегирмалар эълон қилди.

Қайд этилишича, чегирма давлат таълим муассасасида ўқиганлигини тасдиқловчи ҳужжат асосида берилади.

Бундай маълумотномани қуйидаги усуллар билан олиш мумкин экан:

• ЙИДХП орқали онлайн;
• таълим муассасасида;
• ёки «Ўзбекистон Республикаси Рақамли ҳукумат лойиҳаларини бошқариш маркази» ДМнинг электрон тасдиқномаси шаклида.

Чегирмада сотиб олинган чипталар 26 декабрдан 11 январгача амалга ошириладиган парвозлар учун амал қилади.