Таиланд ва Камбоджа делегациялари ўртасидаги дастлабки музокараларда икки давлат чегарасида ўт очишни тўхтатиш режимини амалга ошириш ва мониторинг қилиш бўйича асосий консенсусга эришилди.
Бу ҳақда Малайзия Қуролли кучлари қўмондони генерал Моҳд Низом Жаффар Bernama давлат агентлигига берган изоҳида маълум қилган.
Музокаралар 4-7 август кунлари Куала-Лумпурда бўлиб ўтаётган икки томонлама Таиланд-Камбоджа чегара қўмитасининг навбатдан ташқари йиғилиши доирасида бўлиб ўтмоқда. Таиланд ва Камбоджа мудофаа вазирлари раислигидаги якуний йиғилиш 7 август куни Малайзиядан келган кузатувчилар, шунингдек, Жануби-Шарқий Осиё давлатлари ассоциацияси (АСЕАН) раиси ҳамда АҚШ ва Хитой иштирокида бўлиб ўтади.
Генерал Жаффарнинг сўзларига кўра, ўт очишни тўхтатиш режимининг бажарилишини назорат қилиш бўйича техник топшириқ бўйича келишувга эришилган. У АСЕАН мамлакатлари ҳарбий атташеларининг вақтинчалик ва доимий кузатувчилар гуруҳи томонидан амалга оширилади, улар дастлабки ва кейинги даврларда чегарадаги вазиятни назорат қилади.
Дастлабки музокаралар 4-6 август кунлари ёпиқ эшиклар ортида ҳар икки томоннинг 40 нафар вакили иштирокида бўлиб ўтди.
Мактабларда 1 сентябрдан смартфондан фойдаланиш тақиқланади
Кападзе: "Агар терма жамоамизни Бенту бошқарадиган бўлса, хайрли бўлсин дейман"
АҚШ Конгрессига номзод Валентина Гомес Қуръонни ёқиб юборди
