Сурхондарё вилояти Шўрчи туманида тадбиркор ҳокимликдан 1,5 миллиард сўм компенсация ундирди, деб хабар бермоқда бизнес омбудсмани офиси.
Аниқланишича, вилоятда фаолият юритувчи МЧЖ раҳбарига тегишли 22 сотих ер участкаси ва 351,5 квадрат метрли бинолар давлат эҳтиёжлари учун олиб қўйилган. Шўрчи тумани ҳокимининг қарорига асосан, тадбиркорнинг мулки бузилиши ва ер участкаси ҳокимлик захира ер фондига киритилиши белгиланган. Бироқ компенсация тўловлари ўз вақтида амалга оширилмаган.
Шу сабабли тадбиркор ҳокимликдан компенсация ундиришда амалий ёрдам сўраб бизнес омбудсманига мурожаат қилган.
Унинг ёрдамида тадбиркор судга арз қилди. Суд қарори билан унга ер участкаси учун 1,2 миллиард сўм ва бинолар учун 383 миллион сўм миқдорида компенсация ундириб берилди.
Метан заправкадаги навбатларни танқид қилган фуқаро қамалди
Бухорода 12 ёшли қизнинг 4 ойлик ҳомиласи борлиги маълум бўлди
Қарши шаҳри ҳокими суд қилинди
