Сурхондарё вилояти транспорт бошқармаси томонидан Қурбон ҳайитининг биринчи кунида аҳолига жамоат транспорти хизматини қулай қилиш мақсадида Термиз шаҳридаги йўналишли автобуслар ҳаракатини тонги соат 04:00 дан бошлайди.
Шунингдек, Қурбон ҳайитининг биринчи куни, 16 июнь санасида «Термизтрансхизмат» филиали ҳамда «АнгорАвтотранс» ДУК тасарруфидаги 1, 3, 5, 6, 7, 8, 15, 17, 245, 246-сонли йўналишлардаги автобуслар тонги соат 04:00 дан 09:00 га қадар йўловчиларга бепул хизмат кўрсатади.
