Бугун 5 март, 2021 йил, жума

O'ZB

Сурхондарёда гиёҳвандлик воситаларининг ноқонуний “олди-сотдиси”га чек қўйилди

Сурхондарёда гиёҳвандлик воситаларининг ноқонуний “олди-сотдиси”га чек қўйилди

Мамлакатимизда гиёҳвандлик воситаларини етиштириш, тайёрлаш, сотиш ва истеъмол қилиш қонун билан тақиқланиб, Жиноят кодексининг тегишли моддалари билан жиноий жазо белгиланган.

Бироқ, айрим шахслар томнидан заҳри қотиллар савдоси билан шуғулланиш ҳолатлари ҳамон учрамоқда.

Сурхондарё вилояти божхона бошқармаси Контрабандага қарши курашиш ва божхона аудити бўлими ходимлари томонидан вилоят ИИБ ходимлари билан хамкорликда наркотик моддаларнинг ноқонуний муомаласига қарши курашиш бўйича Денов туманида тезкор тадбир ўтказилди.

Тадбир давомида Денов туманида  фуқаро  М.Р. шартли харидор сифатида жалб қилинган фуқарога 5 дона гугурт қутиларга солинган “марихуана” гиёҳвандлик моддасини сотмоқчи бўлган вақтида қўлга олинди. Ушбу “марихуана” гиёҳвандлик моддаси махсус электрон тарозида ўлчаб кўрилганида умумий оғирлиги 36,86 граммни ташкил этди.

Шунингдек, яна бир тезкор тадбир давомида Қумқўрғон туманида яшовчи фуқаро Х.А. олдиндан назоратга олинди. Ушбу шахс тўхтатилиб, ундан ёнида тақиқланган предметлар бор йўқлиги сўралганда, у устки кийимидан 1 дона гугурт қутисини олиб ерга улоқтирди. Ушбу 1 дона гугурт қутиси теширилганида унинг ичида  5,73 грамм “марихуана” гиёҳвандлик воситаси мавжудлиги аниқланди.

Ҳозирда мазкур ҳолат юзасидан божхона органлари томонидан терговга қадар текширув ҳаракатлари олиб борилмоқда.

Киритилди: 12:38 23.02.2021. Ўқилди: 712 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!