Сурия президенти Аҳмад аш-Шара Туркия ва Форс кўрфази давлатларига Сурияга қарши халқаро санкцияларни бекор қилиш бўйича саъй-ҳаракатларни қўллаб-қувватлагани учун миннатдорлик билдирди.
У бу ҳақда Анқарада бўлиб ўтган НАТО саммити доирасида АҚШ президенти Дональд Трамп билан учрашувидан олдин маълум қилди.
Аш-Шаранинг таъкидлашича, сўнгги бир ярим йил давомида Сурия ҳукумати мамлакат бирлиги ва иқтисодиётини тиклаш устида иш олиб бормоқда.
«Сурия халқи бу жараёнда уларни қўллаб-қувватлаган барча давлатларга миннатдор. Биз Туркия ва Форс кўрфази мамлакатларининг ёрдамини унутмаймиз», — деди у.
Сурия раҳбари Дональд Трампнинг Сурияга қарши санкцияларни бекор қилиш қарорини «тарихий қадам» деб баҳолаб, бу мамлакатни тиклаш учун янги имкониятлар очишини таъкидлади.
Сурия президенти маъмурияти маълумотига кўра, Трамп билан учрашувда икки томонлама муносабатларни ривожлантириш истиқболлари ва минтақавий хавфсизлик масалалари муҳокама қилинган. Томонлар Суриянинг бирлиги ва ҳудудий яхлитлигини мустаҳкамлаш ҳамда Яқин Шарқда барқарорликни таъминлаш бўйича ҳамкорликни давом эттириш муҳимлигини қайд этган.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
