Сурия етакчиси Аҳмад аш-Шаръа АҚШ президенти Доналд Трамп билан босиб олинган Голан тепаликлари масаласини муҳокама қилаётганида Исроилга Нью-Жерси штатини беришни таклиф қилганини билдирди. Бу ҳақда Аш-Шаръанинг ўзи Нью-Йоркда Атлантика кенгаши томонидан ташкил этилган тадбирда маълум қилди.
"Трамп билан муносабатларимиз мутлақо ўзига хос тарзда шаклланди. Унинг олдига, Оқ уйга келганимда ҳазиллашдим. Трамп Голан тепаликлари Исроил суверенитети остида экани ҳақида гапирганида, мен: нега Нью-Жерсини исроилликларга бермайсиз? Голан тепаликлари сизга тегишли эмас, аммо Нью-Жерси сизники дедим. Билишимча, у ерда Трампга овоз бермайдиган демократлар кўп. Шундай экан уни исроилликларга берса ёмон бўлмасди. Ахир бу унга тегишли ҳудуд, аммо Голан тепаликлари президент Трампники эмас", — деди Сурия президенти.
Аш-Шаръанинг сўзларига кўра, Трамп ушбу суҳбат давомида Голан тепаликлари Сурияники эканини тан олган.
"Бундай ҳазилдан қатъи назар, Голан тепаликлари ўзининг халқига, сурияликларга тегишли. Шунинг учун на Сурия президенти, на АҚШ президенти, на бошқа кимдир улардан воз кечишга ёки уларни бошқаларга беришга ҳақли", — дея таъкидлади Сурия президенти.
1944 йилдан бери Сурия таркибида бўлган Голан тепаликлари 1967 йилда “Олти кунлик уруш” давомида Исроил томонидан эгаллаб олинган. 1981 йилда Исроил бу ҳудудни бир томонлама аннекcия қилган. БМТ Хавфсизлик кенгаши 1981 йилда қабул қилинган 497-резолюция билан аннекcияни ҳақиқий эмас деб топган. 2019 йилда Доналд Трамп АҚШ президентлиги лавозимидаги биринчи муддати давомида тегишли декларацияни имзолаб, Исроилнинг Голан тепаликлари устидан суверенитетини тан олган.
Дунёда атиги уч киши хорижга паспортсиз саёҳат қилиши мумкин
Аманбай Оринбаевга генерал-майор унвони берилди
UzAuto Motorsʼни Хитой компанияси сотиб олмоқчи
