Суперлига. "Қизилқум" "Андижон"ни енгди, ОКМК "Машъал"дан устун келди

Суперлигада 24-тур ўйинлари старт олди.

Тур доирасида 15-октябр куни икки учрашув бўлиб ўтди.

Навоийнинг "Қизилқум" клуби сафарда "Андижон"ни 1:0 ҳисобида мағлуб этди.

Ўйиндаги ягона голни Отабек Жўрақўзиев 38-дақиқада киритди.

"Қизилқум" бу ғалаба эвазига 33 очко билан 8-ўринга кўтарилди. "Андижон" 30 очко билан 10-поғонада.

Куннинг яна бир баҳсида ОКМК "Машъал"ни меҳмонда 1:0 ҳисобида таслим қилди.

84-дақиқада Асад Собиржоновнинг ягона голи олмалиқликларга ғалаба келтирди.

ОКМК 39 очко билан 4-ўринга чиқди. "Машъал" 4 очко билан сўнгги 16-поғонада.