Ўзбекистон Суперлигасида 20-тур баҳслари давом эттирилди. 4 сентябрь куни ўтказилган тўртта учрашувдан сўнг чемпионлик учун кураш янада қизғин тус олди.
Турнинг энг шов-шувли натижаси Қаршида қайд этилди. Пешқадам "Нефтчи" "Насаф" меҳмони бўлиб, 2:6 ҳисобида йирик мағлубиятга учради. Фарғоналиклар мағлубиятга қарамай, 45 очко билан биринчи ўринда қолди.
"Пахтакор" эса ўз майдонида "Андижон"ни 3:0 ҳисобида мағлуб этиб, пешқадам билан орадаги фарқни икки очкогача қисқартирди. Тошкентликлар 20 та ўйиндан кейин 43 очко билан иккинчи ўринни эгаллаб турибди.
Наманганда "Навбаҳор" ва "Локомотив" 1:1 ҳисобида дуранг ўйнади. Наманганликлар 38 очко билан учинчи поғонада қолган бўлса, "Локомотив" 32 очко билан олтинчи ўринда бормоқда.
"Сурхон" Тошкентда "Бунёдкор"ни 1:0 ҳисобида енгиб, очколари сонини 23 тага етказди. 20-турнинг аввалги учрашувида эса ОКМК "Хоразм" устидан 1:0 ҳисобида ғалаба қозонганди.
Турнинг қолган учта баҳси 5 сентябрь куни ўтказилади. "Сўғдиёна" "Машъал"ни, "Қўқон-1912" "Динамо"ни қабул қилади. Ҳар икки учрашув соат 18:00 да бошланади. Соат 20:15 да эса "Қизилқум" ва "Бухоро" ўзаро баҳс олиб боради.
20-тур якунланмаган ҳолатда "Нефтчи" 45 очко билан пешқадам, "Пахтакор" 43 очко билан иккинчи, "Навбаҳор" эса 38 очко билан учинчи ўринда бормоқда.
Шомуродов тўпурарлар баҳсида юқори кўтарилди
"Бунёдкор"да вазият жиддий
Моуриньо Мессига таъсирли мурожаат йўллади
