Швеция пойтахтида автобус бекатдаги одамларга бориб урилди, қурбонлар бор, деб хабар бемроқда BBC.
Хабарларга кўра, воқеа тиғиз пайтда, Стокголмнинг марказий қисмида юз берган. Икки қаватли автобус катта тезликда бекатдаги одамларга бориб урилган.
Полициянинг маълум қилишича, қурбонлар ва жароҳатланганлар бор, лекин уларнинг сони очиқланмади. Автобус ҳайдовчиси ҳибсга олинган.
Reuters Стокголм қутқарув хизмати вакилига таяниб, олти киши жабрлангани ҳақида хабар бермоқда. Шу билан бирга, қутқарувчилар ҳалок бўлганлар ва жароҳатланганлар сонига аниқлик киритмади.
Бахтсиз ҳодисага нима сабаб бўлгани ҳозирча номаълум.
