Солиқ қўмитаси техник носозлик сабаб тадбиркорлар ҳисобидан катта миқдорда пул ечиб олди

Қўмита ижтимоий тармоқда тадбиркорлар ҳисобидан асоссиз пул ечиб олингани ҳақида хабарлар тарқалиши ортидан ҳолатга изоҳ берди.

“Тизимдаги техник носозлик сабабли солиштирма далолатнома бўйича вақтинча нотўғри маълумотлар (солиқ қарздорлиги пайдо бўлиши, маблағ ечиб олиниши ва ҳоказо) акс этиши мумкин”, дейилади баёнотда.

Идора вазият назоратга олинганини, муаммо бартараф этилаётганини ва нотўғри ечилган маблағлар ёзма мурожаатсиз қайтарилишини маълум қилди.