Собиқ президент пора бергани учун 12 йил муддатга қамаладиган бўлди

Суд гувоҳга пора берганликда айбдор деб топилган Колумбия собиқ президенти Альваро Урибени 12 йиллик қамоқ жазосига ҳукм қилади.

Бу ҳақда судья ҳукмини олган El Tiempo газетаси хабар берди.

"Альваро Урибе Велес 144 ойга, яъни 12 йилга озодликдан маҳрум қилинсин, энг кам ойлик иш ҳақининг 2420 баравари миқдорида жаримага тортилсин ва 100 ой 20 кун муддатга давлат лавозимларида ишлаш тақиқлансин", - дея судья Сандра Эредиянинг сўзларидан иқтибос келтирган газета. Газетанинг ёзишича, судья, шунингдек, Урибе иши бўйича апелляциялар тугагунига қадар жазони ўташни бошлаши учун уни уй қамоғида сақлашни буюрган.

Ҳукм расман эълон қилинадиган суд мажлиси 1 августдан кечроқ бўлиб ўтиши режалаштирилган.