La Republicca Германия парламентида бўлаётган жараённи «сайловлардан бир ой олдин юз берган сиёсий зилзила» деб атади. Нашрга кўра, бу билан яна бир тақиқ бузилди: «миллий-социализмга нисбатан носталжияга эга партия ҳукуматга кириши мумкин».
La Stampa ХДС канцлерликка номзоди Фридрих Мерцни танқид қилди: «Ёнғинга қарши деворниʼ бузиш – яъни AfD (Муқобил Германия учун) партиясини яккалаш сиёсатидан воз кечиш – шошма-шошарлик билан қабул қилинадиган қарор эмас. Аммо у айнан шундай қилди».
Neue Zürcher Zeitung бу воқеаларни бошқача талқин қилди:
“Мерц кучли нутқ сўзлаб, унинг учун миграция сиёсати қанчалик муҳимлигини кўрсатди. Бироқ, СДП (Социал-демократик партия) ва «Яшиллар» фақат тактик ҳаракатлар билан чекланиб, ҳеч қандай ечим таклиф қилмади. Шу сабабли айниқса социал-демократлар бундай сиёсат учун жазо тортади”.
De Telegraaf ёзишича, Мерц AfD атрофидаги «санитар тўсиқ»ни бузибгина қолмай, балки Ангела Меркел олиб борган миграция сиёсатини ҳам бутунлай тугатди.
Lidové noviny нашри Мерцнинг мақсадини шундай баҳолайди: «У AfD билан алоқаларни чекловчи тақиқни олиб ташлашга ҳаракат қилмоқда. Лекин AfDни ҳамкор сифатида эмас, балки сиёсий восита сифатида ишлатмоқда».
De Standaard тахминича, Мерц AfD сайловчиларининг бир қисмини ўз томонига оғдиришни хоҳлайди: «У уларга AfD канцлерлик номзоди Алиса Вайдел бера олмайдиган нарсани таклиф қилиши мумкин: давлат бошқарувида иштирок этиш».
Dagens Nyheter Мерцга илиқ муносабатда: «Унинг қатъияти ва аниқ позицияси канцлер Олаф Шольцнинг ноаниқ сиёсатидан кескин фарқ қилади. Балки айнан шу нарса ҳозир Европа Иттифоқига етишмаётгандир».
Хитой Украина урушига қўшилиши мумкин
Лавров: Украинага тинчликпарвар кучларни киритиш Россия билан тўғридан-тўғри уруш
Араб давлатлари бирлашди: Европа энди танлов қаршисида!
