АҚШ президенти Доналд Трамп Fox News телеканалига берган интервюсида инсоният учун энг катта хавфни тилга олди.
Сиёсатчининг таъкидлашича, ундан олдинги президент Жо Байден йиллар давомида иқлим ўзгаришлари инсоният учун энг катта хавф эканлигини уқтириб келган.
«Мен бунга қўшилмайман, энг катта хавф — турли мамлакатларда сақланаётган ядровий қуроллар, бу улкан «махлуқлар» сизни бир чақиримгача сочиб юбориши мумкин», — деди Трамп.
Қўшма Штатлар раҳбари 7 март куни берган баёнотида Оқ уй маъмурияти Россия ва Хитой билан денуклеаризация (атомсизланиш) борасида музокаралар ўтказиш истагида эканлигини маълум қилганди. Унинг фикрича, барча ўз ядровий қуролларидан воз кечса яхши бўларди, Россия ва АҚШда бу қуроллар ҳамманикидан кўп.
11 мартдан доллар қанчага етиши аниқ бўлди
Хитой Украина урушига қўшилиши мумкин
Лавров: Украинага тинчликпарвар кучларни киритиш Россия билан тўғридан-тўғри уруш
