Абу-Дабида Украина бўйича олиб борилаётган тинчлик музокараларида ҳудудий масала асосий келишмовчиликлардан бири бўлиб қолмоқда. Сиёсатшунос Александр Морозовнинг фикрича, томонлар ҳозирча бу борада умумий тўхтамга келмаган.
Морозов «Дождь» телеканали эфирида Россия президенти Владимир Путин босиб олинган Украина ҳудудларининг Россияга тегишли эканини Европа давлатлари ва халқаро ҳамжамият расман тан олишини истаётганини таъкидлади.
«Путин босиб олинган ҳудудларни Россияники деб тан олишларини хоҳлайди. Ҳозирги шароитда бундай келишувга эришишни тасаввур қилиш қийин», — деди сиёсатшунос.
Унинг баҳолашича, Украина президенти Владимир Зеленский ҳудудлар масаласини муҳокама қилиш имкониятини бутунлай рад этмаяпти. Бу орқали Киев музокараларни қайта бошлашга тўсқинлик қилмасликка ҳаракат қилмоқда.
Морозов ҳудудларнинг келажакдаги мақоми бўйича келишувга эришиш тинчлик жараёнидаги энг мураккаб вазифалардан бири бўлишини қайд этди.
Сунъий интеллект дунёдаги энг қиммат сурат муаллифлигини шубҳа остига қўйди
Россия Болтиқбўйи давлатларига қарши ядровий қурол қўллаши мумкин, агарда...
«Олтин тўп» сайти ғолиблар ҳақидаги мақолаларни адашиб эълон қилиб юборди (фото)
