Кеча, 27 май куни соат 17:45 да Сирдарё вилояти Мирзаобод тумани ҳудудидаги Гулистон-Гагарин йўналиши 4-Р 18 А-373 йўлининг 10 кмда ҳаракатланиб кетаётган Исузу русумли автобусда ёнғин содир бўлди. Ҳолат бўйича вилоят ФВБ маълумот берди.
Таъкидланишича, содир бўлган ёнғиндан автобуснинг двигатель ва салон қисми ёнган. Ёнғинга 2 та ёнғин-қутқарув экипажлари соат 17:52 да етиб бориб, ёнғин соат 18:02 да тўлиқ ўчирилган.
Ёнғин натижасида инсонларнинг тан жароҳати олиши ва ҳалок бўлиш ҳолатлари кузатилмаган.
Ёнғиннинг тахминий сабаби автомобилдаги электр симларининг қисқа туташуви натижасида содир бўлган. Ҳозирда моддий зарар миқдори аниқланмоқда.
