Хитой раиси Си Цзиньпин Вашингтонга режалаштирилаётган ташрифи давомида унга ҳамроҳлик қилиш учун йирик бизнес делегациясини тайёрламоқда. Бу ҳақда Reuters икки манбасига таяниб хабар берди.
Агентликка кўра, бу Си Цзиньпин учун ноодатий қадам ҳисобланади. Хитой раҳбари хорижий сафарларида корпоратив компаниялар раҳбарлари билан камдан-кам бирга ҳаракат қилади.
Манбаларнинг таъкидлашича, Хитой бизнес вакилларининг АҚШга ташрифда иштирок этиши Вашингтоннинг Хитой инвестицияларига нисбатан шубҳалари кучайган бир пайтда Пекин учун муҳим аҳамият касб этади. Шунингдек, бу ташриф Хитой компанияларининг АҚШга инвестицияларини жалб қилиш учун имконият сифатида қаралмоқда.
Reuters маълумотларига кўра, Хитойнинг хусусий сектор билан муносабатлари сўнгги йилларда сезиларли даражада ўзгарган. Пекин 2020 йилдан бошлаб технология, таълим ва кўчмас мулк соҳаларида тартибга солиш чораларини кучайтирган.
Манбалар саммит асосан рамзий аҳамиятга эга бўлишини ва унинг асосий натижалари чекланган бўлиши мумкинлигини билдирган.
Шаҳноза Мирзиёева Мусулмон Юнусовнинг мурожаатига муносабат билдирди
Фарғонада кўп қаватли уй "подвалида" акула боқилаётгани аниқланди
Уруш оқибатлари: Россия ғалласи Қозоғистонникини сиқиб чиқармоқда
