Швецияда туғилишнинг пастлиги сабабли мингга яқин болалар боғчалари ёпилиши мумкин

Туғилишнинг паст даражаси яқин уч йил ичида 1 мингга яқин болалар боғчаларининг ёпилишига олиб келиши мумкин, бу уларнинг умумий сонининг ўндан бир қисмидир. Бу ҳақда ТАСС ёзмоқда.

Швеция ҳамжамиятлари ва минтақалари минтақавий ассоциациясининг катта иқтисодчиси Анника Валленског SVT телеканалига 5-6 йилдан кейин мамлакатда камроқ мактаблар керак бўлишини тушунтирди.

Марказий статистика бюроси маълумотларига кўра, жорий йилнинг биринчи олти ойида Швецияда туғилиш даражаси кескин пасайган. Бу даврда бор-йўғи 50,5 минг бола туғилди, бу XXI асрнинг барча йилларидаги энг паст кўрсаткичдир. "Марказий статистика бюроси 2027 йилда 130 минг янги туғилган чақалоқни кутган эди, бироқ биз уларнинг сони 95 мингга яқин бўлишини кутамиз. Бу жуда катта пасайиш" - деди Анника Валленскуг.