Халқ депутатлари Термиз тумани Кенгашининг навбатдан ташқари сессиясида ташкилий масала кўриб чиқилди. Сурхондарё вилояти ҳокими Улуғбек Қосимов иштирок этган йиғилишда Шухрат Назаров бошқа ишга ўтгани муносабати билан туман ҳокими лавозимидан озод этилди.
Вилоят раҳбари туман ҳокими лавозимига Қаландаров Шухрат Искандарович номзодини таклиф қилди ва у депутатлар томонидан маъқулланди. Номзод Миллий кадрлар захирасидан тавсия этилган.
Шухрат Қаландаров 1981 йилда Денов туманида туғилган, Термиз давлат университети ҳамда Солиқ академиясини тамомлаган. У илгари солиқ органларида, шунингдек, Термиз ва Сариосиё туманлари ҳамда Термиз шаҳри ҳокимининг биринчи ўринбосари лавозимларида ишлаган. Тайинловга қадар туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари бўлиб фаолият юритган.
Мактаб ва коллеж битирувчилари 1 йиллик ҳарбий хизматга жалб қилинади
Ўқитувчилар ва тиббиёт ходимларининг ойлиги 2 баравар оширилади
Собиқ мудофаа вазири президент саройига бостириб киришни уюштиргани учун ҳибсга олинди
