Бугун, 29 декабрь куни WBO, WBA ва IBF йўналишлари бўйича собиқ жаҳон чемпиони бўлган британиялик боксчи Энтони Жошуа Нигерияда автоҳалокатга учради.
Полиция маълумотига кўра, 36 ёшли боксчининг аҳволи яхши. Йўл-транспорт ҳодисаси Огун–Лагос шоссесида содир бўлган. Маҳаллий ОАВ хабарларига кўра, Жошуа юк машинасига бориб урилган «Lexus» автомобилининг орқа ўриндиғида бўлган.
Боксчи билан бирга машинада бўлганларнинг икки нафари вафот этган. Жошуа ҳамда унинг ҳайдовчиси турли даражада жароҳат олган ва шифохонага олиб кетилган.
Айрим манбаларга кўра, Энтони Жошуа жиддий жароҳат олган бўлиши мумкин, лекин ҳаёти хавф остида эмас.
Маълумот учун, британиялик 36 ёшли Энтони Жошуа 20 декабрь куни 15 ойлик танаффусдан сўнг блогер-боксчи Жейк Полни олтинчи раундда нокаутга учратган эди. Жошуа келаси йил яна бир собиқ жаҳон чемпиони Тайсон Фьюрига қарши жанг қилиши кутилмоқда.
Африкада ўзини "пайғамбар" деб атаётган шахс қурган кема атрофида ўн минглаб одам тўпланди
Мактаб ва коллеж битирувчилари 1 йиллик ҳарбий хизматга жалб қилинади
Ўқитувчилар ва тиббиёт ходимларининг ойлиги 2 баравар оширилади
