Россия Украина пойтахтидаги ҳукумат биноларига зарба бермоқчи

Украина президенти Владимир Зеленский, шунингдек, Украина Путиннинг қароргоҳига тўғридан-тўғри ҳужум қилгани ҳақидаги маълумотларни рад этди.

"Россия Путиннинг қароргоҳига зарба берилгани ҳақидаги ёлғон хабарларни Украинага қарши янги ҳужумларни ва музокаралардан воз кечишни оқлаш учун тарқатмоқда. Ҳозир ҳаммамиз жудаям ҳушёр бўлишимиз керак, Россия Киевга кучли зарбалар бериши мумкин”, — деди Зеленский.

Шунингдек, у АҚШ Россия томонидан келаётган таҳдидларга муносиб тарзда жавоб бериши кераклигини айтди.

Зеленскийнинг сўзларига кўра, Кремл тинчлик музокаралари доирасида Украина ва АҚШ ўртасида эришилган ижобий силжишни издан чиқаришни истамоқда.