Украина Миллий антикоррупция бюроси (НАБУ) ва Коррупцияга қарши ихтисослаштирилган прокуратураси (САП) Олий Раданинг беш депутатини ноқонуний маблағ олганликда айблади.
Бу ҳақда НАБУ матбуот хизмати маълум қилди.
"НАБУ ва САП Украина Олий Радасида фаолият олиб борган ва депутатлар томонидан "тўғри" овоз бериш учун ноқонуний нафақа олишига ёрдам берган уюшган жиноий гуруҳ аъзоларига гумон қилинганлиги тўғрисида билдиришномалар тарқатди. Гуруҳ таркибига амалдаги депутатлар ва Олий Рада аппаратининг мансабдор шахслари кирган. Гумонланувчилар беш нафар депутатдир", - дейилади баёнотда.
Аввалроқ НАБУ уюшган жиноий гуруҳ таркибида “овоз бериш учун тизимли равишда ноқонуний нафақа олган” депутатлар фош этилгани ҳақида хабар берган эди. Ҳуқуқ-тартибот идоралари Олий Раданинг бир қанча биноларида тинтув ўтказди.
Тергов маълумотларига кўра, гуруҳ иерархик тузилишга ва ролларнинг аниқ тақсимланишига эга эди. Овоз беришни ташкил қилиш учун гуруҳ аъзолари махсус яратилган WhatsApp гуруҳида ҳисоб рақамлари кўрсатилган кўрсатмалар юбордилар. Овоз беришдан сўнг, маблағлар тизимли равишда парламентнинг алоҳида аъзоларига ўтказилди.
Африкада ўзини "пайғамбар" деб атаётган шахс қурган кема атрофида ўн минглаб одам тўпланди
Мактаб ва коллеж битирувчилари 1 йиллик ҳарбий хизматга жалб қилинади
Ўқитувчилар ва тиббиёт ходимларининг ойлиги 2 баравар оширилади
