Шри-Ланка ҳарбий-ҳаво кучларининг вертолёти қутқарув операцияси вақтида ҳалокатга учради

Шри-Ланка ҳарбий-ҳаво кучларининг вертолёти “Дитва” тропик бўрони босиб олган оролда қутқарув операцияси вақтида ҳалокатга учради, натижада учувчи ҳалок бўлди.

Бу ҳақда Шри-Ланка ҳарбий-ҳаво кучлари ўз баёнотида маълум қилган.

Ҳодиса ёрдам етказаётган ва одамларни сув босган ҳудудлардан эвакуация қилаётган вертолёт одатий вазифани бажараётган вақтда юз берган. Учувчи жароҳатлар билан касалхонага ётқизилган ва у ерда вафот этган. Вертолётда бўлган яна тўрт киши жароҳатланган.

Кучли "Дитва" тропик циклони Шри-Ланкада сув тошқини ва вайронагарчиликка олиб келди. Расмийлар фавқулодда ҳолат эълон қилди.