Шольц АҚШни огоҳлантирди: "Европа Иттифоқи АҚШ тарифларига бирлашган ҳолда жавоб беришга тайёр"

Европа Қўшма Штатлар билан ҳамкорлик қилишни хоҳлайди, аммо Европа Иттифоқи Америка тарифларига бирлашган жабҳа билан жавоб беришга тайёр.

Бу ҳақда Германия канцлери вазифасини бажарувчи Олафь Шольц маълум қилди.

Унинг таъкидлашича, савдо урушлари барча томонларга зарар етказмоқда ва Европа "содда эмас, балки заиф ҳам эмас".

"Шунинг учун мен Қўшма Штатларга айтаман: Европанинг мақсади ҳамкорлик бўлиб қолади. Аммо Қўшма Штатлар пўлат ва алюминий тарифлари мисолида бўлгани каби бизга танлов қолдирмаса, биз Европа Иттифоқи сифатида бирдек муносабат билдирамиз" - деди Шольц Ганновер савдо ярмаркаси очилишида.