Якшанба куни Пхеньян шаҳрида Россия–Украина урушида ҳалок бўлган Шимолий Корея ҳарбийлари шарафига Жанговор жасорат мемориал музейининг очилиш маросими бўлиб ўтди.
Давлат ахборот агентлиги маълум қилишича, маросим 26 апрель куни — Россиянинг Курск вилояти украин қўшинларидан «озод қилингани»нинг йиллигига тўғри келган.
Музей очилиши муносабати билан Россия мудофаа вазири Андрей Белоусов ва Давлат Думаси спикери Вячеслав Володин Пхеньянга ташриф буюрган.
Корея ахборот агентлигига кўра, Ким Чен Ын Россия раҳбариятига икки давлат — КХДР ва РФ ўртасидаги иттифоқчилик муносабатларини ривожлантириш йўлидаги «самимий саъй-ҳаракатлари» учун миннатдорлик билдирган.
Сўнгги ўн йилликда Россия ва Шимолий Корея стратегик ҳамкорликни кучайтириб келмоқда. 2024 йил июнь ойида Пхеньянда икки давлат ўртасида кенг қамровли стратегик шериклик тўғрисида шартнома имзоланган.
Жанубий Корея ва ғарб манбалари баҳосига кўра, 2024 йилдан бери Шимолий Корея Россияга тахминан 14–15 минг ҳарбий хизматчи, шунингдек Украинага қарши урушда ёрдам бериш учун қурол-яроғ ва ўқ-дорилар юборган. Жанубий Корея разведкаси маълумотига кўра, ушбу урушда 2000 дан ортиқ шимолий кореялик ҳарбий ҳалок бўлган.
Абдуқодир Ҳусанов ота-онасига 330 минг долларлик вилла совға қилди
Кореяда вафот этган ўзбекистонлик қиз ҳақида расмий баёнот берилди
Zo'r TV бугун «Барселона» ва «Манчестер Сити» иштирокидаги ўйинларни жонли трансляция қилади
