Мерц: Эрон Қўшма Штатларни ҳақорат қилмоқда

Германия канцлери Фридрих Мерц давом этаётган можаро фонида Эрон раҳбарияти АҚШни ҳақорат қилаётганини билдирди. Унинг сўзларига кўра, эрон томони америкалик вакилларни натижасиз тугайдиган музокараларга боришга мажбур қилмоқда.

Марсберг шаҳрида талабалар олдида сўзга чиққан Мерц Эрон музокара тактикасини моҳирона олиб бораётганини таъкидлади. Унинг айтишича, Теҳрон америкалик вакилларга Исломободга келишга рухсат беради, аммо улар ҳеч қандай келишувсиз қайтиб кетишади.

Канцлер, шунингдек, Эрон раҳбарияти, айниқса Корпус стражей исламской революции (КСИР) ҳаракатлари туфайли бутун бир давлат ҳақоратланаётганини айтди. Шу билан бирга, у можаро тезроқ якунланишига умид билдирди.

У Германия ва бошқа Европа давлатлари 28 февраль куни АҚШ ва Исроил Эронга зарбалар бериши олдидан олдиндан хабардор қилинмаганини таъкидлади. Мерцнинг айтишича, у кейинчалик ўз шубҳаларини тўғридан-тўғри АҚШ президенти Дональд Трампга билдирган.

Канцлернинг таъкидлашича, агар у можаро беш-олти ҳафта давом этиб, вазият ёмонлашишини билганида, ўз позициясини янада қатъийроқ билдирган бўлар эди. У шунингдек бу ҳолатни АҚШнинг Ироқ ва Афғонистондаги олдинги урушлари билан таққослади.

Мерц қўшимча қилишича, Ормуз бўғози камида қисман миналаштирилган. У Европа давлатлари бу ҳудудни тозалаш учун немис минатозалаш кемаларини юборишни таклиф қилганини маълум қилди.