26 май куни Финландияда бўлиб ўтган саммитда Шимолий Европа мамлакатлари ҳукумат раҳбарлари Россия Украинада ўт очишни тўхтатишдан манфаатдор эмаслигини билдтрди.
"Дам олиш кунларида содир бўлган даҳшатли ҳужумлар, афсуски, биз аллақачон билган нарсамизни исботлайди: Россия тинчликдан манфаатдор эмас. Кун давомида президент Владимир Путин музокаралар ҳақида гапиради, кечаси эса Украинани бомбардимон қилади. Шунинг учун Украина бундан ҳам кўпроқ ёрдам олиши керак", — деди Дания бош вазири Метте Фредериксен Финландияда Шимолий Европанинг бошқа давлатларидан келган ҳамкасблари билан учрашувдан кейин.
Финландия бош вазири Петтери Орпо ҳам шундай фикр билдирди. Унинг сўзларига кўра, "Россия Финландия ва бутун Европа учун узоқ муддатли хавф туғдиради". Орпонинг аниқлик киритишича, гап нафақат ҳарбий соҳа ҳақида, балки киберҳужумлар ва Болтиқ денгизи тубидаги алоқа кабелларининг қайта-қайта шикастланиши каби ҳолатлар ҳақида кетмоқда.
Финландия бош вазири, шунингдек, Украинада ўт очишни тўхтатиш бўйича музокараларда Россиянинг конструктив иштирокига эришиш учун Владимир Путинга халқаро босимни кучайтиришга чақирди.
Кремль миллиардлаб топмоқда, Европа эса миллиардлаб сарфламоқда
Дуров: "Мен русман!"
Украина Россиянинг муҳим ҳарбий объектларига зарба берди
