Шавкат Мирзиёев Гурбангули Бердимуҳамедов билан учрашди

Музокаралар давомида Бердимуҳамедов президент Сердар Бердимуҳамедовнинг саломи ва эзгу тилакларини етказди.

Мирзиёев эса туркман халқини ва мамлакат раҳбариятини Авазада БМТнинг денгизга чиқиш имкони бўлмаган ривожланаётган мамлакатлар бўйича учинчи конференцияси муваффақиятли ўтказилгани билан табриклади.

Томонлар, шунингдек, бўлажак олий даражадаги учрашувларга тайёргарлик доирасида Ҳукуматлараро комиссиялар, Ишбилармонлар кенгаши йиғилишлари ва қатор маданий тадбирларни самарали ўтказиш муҳимлигини қайд этдилар.