Исроил Мадримовнинг вазнида кутилмаган чемпион

АҚШнинг Орландо шаҳрида профессионал бокс кечаси ўтказилди.

Caribe Royale Orlando аренасида ўтган оқшом доирасида биринчи ўрта вазн (69,9 кг) тоифасида вақтинчалик WBA чемпиони кубалик Йоэнис Тельес (10-1, 7 КО) германиялик даъвогар Абасс Барау (17-1, 9 КО)га қарши рингга кўтарилди. Бу Тельес учун илк камар ҳимояси эди.

Чемпионлик жанги олдидан айнан Тельес яққол фаворит эди. Тўлиқ 12 раунд давом этган жанг якунида 30 ёшли Абасс ҳакамларнинг якдил қарори билан номдор рақибини 116-111, 115-112, 117-110 ҳисобларида мағлубиятга учратиб, вақтинчалик WBA камарини қўлга киритди.