Шаҳрихон туманида фаолият кўрсатувчи қурилиш ташкилотининг солиқ тўловларини ўз вақтида тўламагани сабаб 1 млрд. сўмдан зиёд қарздорлик шаклланган.
Мажбурий ижро бюроси Шаҳрихон туман бўлими томонидан қарздор огоҳлантирилиб, ихтиёрий муддат берилган.
Шунингдек, ижро ҳаракатлари давомида қурилиш ташкилоти томонидан қуриб битказилган 103 та хонадонга тақиқ қўйилган. Тайёр хонадонларни сотиш имконияти чеклангани сабаб қурувчи ташкилот солиқ қарзларини бартараф этишга киришди.
Ҳозирда, қарздор томонидан 583 млн. сўм нақд пул кўринишидаги пуллар давлат фойдасига топширилди.
Солиқ қарзининг қолган қисмини ундириш юзасидан ижро ҳаракатлари давом эттирилмоқда.
