Серхио Агуэро "Сити" - "Реал" ўйинида 10 минг доллар ютқазди

Аргентина терма жамоасининг собиқ ҳужумчиси Серхио Агуэро "Манчестер Сити" ва "Реал" ўртасидаги Чемпионлар лигаси плей-оффининг биринчи учрашувига қўйган 10 минг долларлик гаровини бой берди. Бу ҳақда Onze Mondial хабар тарқатди.

Аргентиналик футболчи ўйиннинг биринчи таймида камида иккита гол урилишига пул тиккан эди. Бироқ дастлабки 45 дақиқада жамоалар фақат битта тўп киритишди. Голни "шаҳарликлар"нинг норвегиялик марказий ҳужумчиси Эрлинг Ҳоланд урди. Ўйин 3:2 ҳисобида "Реал"нинг иродали ғалабаси билан якунланди.

"Қироллик клуби" Хосеп Гвардиола жамоасига қарши жавоб учрашувини келаси ҳафта Мадридда ўтказади.