Россия ташқи ишлар вазири Сергей Лавров Берлиннинг Россия махсус хизматларини Лейпциг/Халле аэропортида портловчи модда юкланган дрон ҳужумига алоқадорликда айблаганига кескин муносабат билдирди.
«Бу, умуман олганда, катта маънода ҳақиқий урушнинг бошланиши. Бонндаги бош консулликни чиқариб юборишди... Берлиндаги Русский домни ёпишмоқда. Иккинчи жаҳон уруши, аниқроғи, Улуғ Ватан уруши бошланишидан олдин ҳам немислар ўз дипломатик ваколатхоналарини ёпганини эслайман... Улар яна уруш истамоқда», — деди Лавров Россия давлат телевидениеси эфирида.
У, шунингдек, Германия канцлери Фридрих Мерцни ҳам кескин танқид қилди.
«У, аслида, бизга уруш эълон қилиш учун келяпти. Тарих сабоқлари мутлақо ўрганилмаган. Маълум бўлишича, ана шу нацизмнинг метастазлари яна намоён бўла бошламоқда. Бу хавфли ҳодиса. Менимча, Россия раҳбарияти тегишли хулосалар чиқаради», — дея қўшимча қилди Россия ТИВ раҳбари.
Мерц Москва айбловларини рад этди ва Германия махсус хизматларининг Россиянинг алоқадорлиги ҳақидаги хулосалари «жуда аниқ, баҳссиз ва судда қўллаш учун яроқли» эканини билдирди. Унинг сўзларига кўра, ҳукумат далилларни текшириш учун атайлаб қарийб тўрт ҳафта вақт сарфлаган.
Шаҳноза Мирзиёева Мусулмон Юнусовнинг мурожаатига муносабат билдирди
Фарғонада кўп қаватли уй "подвалида" акула боқилаётгани аниқланди
Уруш оқибатлари: Россия ғалласи Қозоғистонникини сиқиб чиқармоқда
