Сербия ҳамон Европа Иттифоқига аъзо бўлишни ўз мақсади деб билади

Сербия ҳамон Европа Иттифоқига аъзо бўлишни ўз мақсади деб билади ва аъзоликни тезлаштирмоқчи эканини Вучич маълум қилди.

"Европа Иттифоқидаги вазият <...> унчалик яхши эмас, бунинг сабаби Москвага қилган ташрифим деб ўйлайман, бироқ <...> Европа бизнинг ривожланишимизни тушуниш билан қабул қилишига ишонаман,"
дея Сербия президенти Еврокенгаш раиси Антониу Кошта билан учрашувдан сўнг таъкидлади.

Кошта айтишича, у Европа Иттифоқига аъзолик Сербия учун устувор вазифа бўлиб қолаётганини "эшитганидан мамнун". Унинг сўзларига кўра, Белград бунга эришиш учун ОАВ эркинлиги, коррупцияга қарши кураш ва сайлов қонунчилигини такомиллаштириш бўйича чоралар кўриши лозим.

"Аъзолик жараёни ишончни шакллантиришга асосланган. Кўпчилик бу жараёнга ишончини йўқотганини биламан, лекин шахсан сизни ишонтириб айтмоқчиманки, Сербиянинг келажаги Европа Иттифоқида. Энди навбат сизники," дея қўшимча қилди у.