Sea Breeze Узбекистан курортининг оқова сувлари Чорвоққа оқизилмайди

Ушбу тўрт фасллик курортни қуришни режалаштираётган Agalarov Development компанияси расмий сайтида эълон қилган хабарга ko‘ra, дам олиш масканининг оқова сувлари Тошкентнинг асосий ичимлик суви манбаси бўлган Чорвоқ сув омборига оқизилмайди.

Бунда оқова сувларни Чирчиқ тозалаш иншоотларига олиб чиқувчи канализация тизимига улаш имконияти кўриб чиқилмоқда.

Ушбу жараён Ўзбекистон давлат органлари томонидан қатъий назорат қилинади. Ҳозирча Чорвоқ қирғоғида қурилиш бошланмаган, айни пайтда қирғоқни тозалаш ва чиқиндиларни йиғиш ишлари олиб борилмоқда.

Компания расмий баёнотида экологик экспертиза ўтказилгунга қадар ҳеч қандай қурилиш ишлари амалга оширилмаслиги билдирилган.

Шунингдек, лойиҳани муҳокама қилиш учун Ўзбекистоннинг таниқли меъмор, муҳандис ва жамоатчилик фаолларини жалб этиш режалаштирилмоқда.