Саудия клубида ҳаракат қилаётган англиялик юлдуз ҳужумчи ҳибсга олинди

Саудия Арабистонининг "Ал-Аҳли" клуби ва Англия терма жамоаси ҳужумчиси Айван Тони Лондондаги барда одамга бош билан зарба берганликда гумонланиб ҳибсга олинди. Бу ҳақда Британиянинг машҳур The Sun интернет нашри хабар бермоқда.

Манбага кўра, воқеа жабрланувчи суратга тушиш учун Тонининг бўйнидан ушлаганидан кейин содир бўлган.

Қайд этилишича, жабрланувчи бурни синганлиги сабабли шифохонага мурожаат қилган. Айвен 29 ёшда, у "Ал-Аҳли" сафида 2024 йилнинг ёзидан буён тўп тепиб келмоқда. Жорий мавсумда англиялик ҳужумчи клуб миқёсида 18 та ўйинда майдонга тушиб, 12 та гол урди ва 2 та голли узатмани амалга оширди.

Нуфузли "Transfermarkt" интернет портали Тоунининг бозор нархини 25 млн еврога баҳоламоқда.