Ҳалокатга учраган Россия самолётининг барча экипаж аъзолари ҳалок бўлди

Россиянинг Иваново вилоятида ҳалокатга учраган Антонов Ан-22 "Антей" самолётининг барча экипаж аъзолари ҳалок бўлди.

Бу ҳақда Россия Тергов қўмитаси маълум қилди.

Россия Тергов қўмитаси ҳарбий тергов органлари воқеа юзасидан жиноий иш очган.

Россия Тергов қўмитаси маълумотларига кўра, жиноий иш парвозга тайёргарлик кўриш қоидаларини бузганлик учун очилган.

Фожиа 2025 йил 9 декабрда синов парвози вақтида юз берган. Антонов Ан-22 самолёти Иваново вилоятининг Иванково қишлоғи яқинида қулаб тушди. Бортда фақат экипаж аъзолари бўлган.