Бугун 16 ноябрь, 2026 йил, душанба

O'ZB

Саудия Арабистонида икки баллистик ракета ва дрон уриб туширилди

Саудия Арабистонида икки баллистик ракета ва дрон уриб туширилди

Саудия Арабистони ҳаво ҳужумидан мудофаа кучлари ҳусийлар томонидан Ар-Риёд томон учирилган иккита баллистик ракетани, шунингдек, мамлакат шарқида иккита учувчисиз учиш аппаратини тутиб қолди.

Бу ҳақда коалициянинг расмий вакили Турки ал-Моликий X ижтимоий тармоғида маълум қилган.

«Ҳаво ҳужумидан мудофаа кучлари ҳусийлар томонидан Ар-Риёд томон учирилган иккита баллистик ракетани тутиб қолди ва йўқ қилди», — дейилади баёнотда.

Бундан бироз олдин Саудия Арабистони пойтахтида ҳаво ҳужуми ҳақида огоҳлантириш эълон қилинган.

Бундан ташқари, коалиция мамлакатнинг шарқий қисмида иккита учувчисиз учиш аппарати ҳам йўқ қилинганини маълум қилди.

Жабрланганлар ва вайронагарчиликлар ҳақида маълумот келиб тушмаган.

Киритилди: 11:45 15.11.2026. Ўқилди: 436 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар