Саудия Арабистони подшоҳи, 84 ёшли Салмон бин Абдулазиз Ол Сауд ўт пуфагида жарроҳлик операциясини ўтказгач, Ар-Риёддаги шифохонадан соғайиб чиқди. Бу ҳақда подшоҳлик ташқи ишлар вазирлиги маълум қилди.
Подшоҳ 20 июлда ўт пуфаги яллиғланиши билан шифохонага ётқизилганди.
“Саудия Арабистони подшоҳи ўт пуфагини олиб ташлаш бўйича муваффақиятли лапароскопик операциядан кейин соғайгач шифохонани тарк этмоқда”, дейилган вазирлик хабарида.
Аввалроқ подшоҳнинг бетоблиги сабабли Ироқ бош вазири Мустафо ал-Козимий Ар-Риёдга сафарини бекор қилишига тўғри келганди. Саудия Арабистонига сафар ал-Козимийнинг Ироқ бош вазири сифатида илк хорижий сафари бўлиш керак эди. Ар-Риёддаги музокараларда икки томонлама муносабатлар ва минтақадаги долзарб муаммоларни муҳокама қилиш режалаштирилганди.
Россия яна бир ҳарбий можарода иштирок этиши мумкин
Америкалик таниқли боксчи Баҳодир Жалолов ҳақида фикр бирдирди
ЕЧЛ. Ярим финал. "Бавария" "Реал" билан жанговар дуранг қайд этди
