Самарқанддаги дўкондан қалбаки акциз маркали алкоголь ва тамаки маҳсулотлари топилди

Самарқанд вилоятидаги дўкондан 523,8 млн сўмлик қалбаки акциз маркали алкоголь ва тамаки маҳсулотлари ашёвий далил сифатида олинди.

Бош прокуратура ҳузуридаги Департаментнинг Самарқанд вилояти бошқармаси томонидан ўтказилган тезкор тадбирда Пайариқ туманидаги “B.S.” МЧЖ раҳбари Б.Н. “Гўзал” МФЙ ҳудудидаги савдо дўконида келиб чиқиши ва сифатини тасдиқловчи ҳужжатлари бўлмаган умумий баҳоси 523,8 млн сўмлик қалбаки акциз маркали 4086 дона алкоголь ва 16 065 қути тамаки маҳсулотларини сотувга қўйганлиги аниқланиб, ушбу маҳсулотлар ашёвий далил сифатида олинган.

Мазкур ҳолат юзасидан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.