Тошкент шаҳар ИИББ жиддий огоҳлантиради!

Тошкент шаҳар Ички ишлар бош бошқармаси телеграмдаги саҳифасида янги мурожаат эълон қилди.

Унда ота-оналар жиддий огоҳлантирилган. Улардан фарзандлари қўлидаги гаджетлардан қандай мақсадларда фойдаланаётганлигини назорат қилиш сўралган. Шунингдек, телефондаги шубҳали ёзишмалар, портфелида нималар борлиги, ўзини қандай тутаётганлиги, мактабда содир бўлаётган воқеалар, саломатлигини доимий равишда кузатиш, таълим сифатини назорат қилиш сўралган.

Мақсад фарзандларимизни жиноятчилик, ёт ғоялар таъсирига тушиб қолишдан асрашдир.