Россия аэродромларига ҳужум қилган дронларни ташиган юк машиналари ҳайдовчиларининг ҳеч нимадан хабари бўлмаган

Бу ҳақида Украина президенти маьлум қилди.

"Улар шунчаки ўз ишларини қилишган", — деди Зеленский ABC News телеканалига берган интервюсида.

Унинг айтишича, “Ўргимчак тўри” операциясида ишлатилган дронлар махсус, сурилувчи томга эга контейнерлар ичида яширилган бўлган. Белгиланган жойга етказилгач, контейнерларнинг томлари масофадан туриб очилган ва дронлар ҳавога учирилган ҳамда операция амалга оширилган.

Зеленскийга кўра, Украина Хавфсизлик хизмати (СБУ) “Ўргимчак тўри” операциясида фақат Украинада ишлаб чиқарилган қуроллардан фойдаланган ва ғарб техникасини ишлатмаган.