Самарқандда истеъмолга яроқсиз алкоголь маҳсулотларининг савдога чиқарилишининг олди олинди

Бош прокуратура ҳузуридаги Департаментнинг Пахтачи тумани бўлими томонидан ўтказилган тезкор тадбирда “T.M.” хусусий корхонаси савдо дўкони сотувчиси Н.Ш. харидорга қалбаки акциз маркасиз алкоголь маҳсулотини сотган вақтида ушланиб, ушбу савдо дўконидан сифатини тасдиқловчи ҳужжатлари бўлмаган умумий баҳоси 43,5 млн сўмлик 723 дона алкоголь ва 1 322 қути тамаки маҳсулотлари ашёвий далил сифатида олинган.

Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.