Самарқанд вилояти Паст Дарғом туманида жойлашган боғча биноси ёниб кетди. Бу ҳақда вилоят Фавқулодда вазиятлар бошқармаси хабар бермоқда.
Ҳодиса 2024 йил 11 декабр куни кечки пайт содир бўлган. Шу куни соат 20:40 да Паст Дарғом тумани Амир Темур маҳалласида жойлашган мактабгача таълим муассасаси биносида ёнғин содир бўлгани тўғрисида туман ФВ бўлимига хабар берилган.
Шунга кўра, 5 та ёнғин-қутқарув экипажлари жалб қилиниб, улар воқеа жойига соат 20:43 да етиб борган ва 21:55 да ёнғин тўлиқ бартараф этилган.
Ёнғин оқибатида мактабгача таълим ташкилоти биносининг шифт ва том қисми ёниб зарарланган. Ҳодисада ҳеч ким жабрланмаган ва ҳалок бўлмаган.
Қайд этилишича, ҳозирда терговга қадар текшириш ишлари олиб борилиб, ёнғиннинг келиб чиқиш сабаби аниқланмоқда.
Қозоғистон Россия, Хитой, Туркия ва Марказий Осиё давлатларини ортда қолдирди
Ўзбекистонда ҳафта бошида кутилаётган об-ҳаво маълум қилинди
Украина душман учун «Жаҳаннам» тайёрлади
